Germaniýanyň Martin Lýuter adyndaky Halle-Wittenberg uniwersiteti, teleköpri arkaly göni aragatnaşykda
495 Döwletmämmet Azadyadyndaky Türkmen milli dünýä dilleri
instituty bilen Germaniýanyň Martin Lýuter adyndaky Halle-Wittenberg uniwersitetiniň
arasynda teleköpri arkaly göni aragatnaşykda okuw maslahaty geçirildi. 2016-njy
ýyldan bäri bilelikde hyzmatdaşlyk saklaýan bu uniwersitetiň prorektory,
professor Ýohanna Mirendorf institutyň
nemes dili mugallymlaryna we nemes dili hünäriniň talyplaryna “Germaniýada
çagalaryň saglygyny goraýyş” diýen tema boýunça täsirli gürrüň berdi. Talyplar
Eziz Arkadagymyzyň saýasynda täze gurlup ulanylmaga berlen Halkara ýanyk
şikeslerini bejeriş hem-de Estetiki
merkezler barada, Garaşsyz, baky Bitarap Diýarymyzda
Türkmenistanyň Prezidentiniň «Saglyk» Döwlet maksatnamasyny durmuşa geçirmek,
raýatlarymyzyň saglygyny goramak we berkitmek, ýaşaýyş-durmuş şertlerini
yzygiderli gowulandyrmak, ömür dowamlylygyny uzaltmak üçin alnyp barylýan
netijeli işleri beýan edýän gyzykly çykyşlary etdiler. Bitaraplyk
ýyllarynda Eziz Arkadagymyzyň
saýasynda lukmançylyk we bilim ulgamynda türkmen-german hyzmatdaşlygynyň
barha rowaçlanýandygyny teleköprä gatnaşýan iki tarap hem buýsanç bilen
belledi.
